Sacred Heart Church, Tlangnuam West biak in thar hawn a ni ta.
Christ the King Cathedral Parish huam chhunga awm Sacred Heart Church, Tlangnuam West chu 13th June, 2026 (Inrinni) chawhma dar 11 khan Most. Rev.Stephen Rotluanga, CSC, Bishop of Aizawl chuan a hawng a, Mass Thianghlim hlan a ni. Biak in thar lawmna hi chawhnu dar 2-ah neih tan a ni a, Pu John Zosangliana, Leader, Sacred Heart Church chuan biak in thar lawmna programme kaihruaiin thusawi ngaihnawm tak tak ngaihthlak a ni. He biak in thar lawmnaah hian Sacred Heart Kohhran Zaipawl, Cathedral Parish Zaipawl leh Diocese Zaipawl te chuan hla an rem a, Sacred Heart Church Sunday School-in special item nei bawkin Pu John Neihlaia, Secretary, Sacred Heart Church chuan biak in sak dan chanchin a sawi. Hun hlimawm tak hman a nih rualin he hunah hian Sacred Heart Church-a lawi boral tawhte sunna hun neih a ni a, sakhaw rawngbawltute chawimawina thilpek hlan a ni bawk. Programme neih zawhah biak in thar lawmna ruai tuihnai tak theh a ni.
Sacred Heart Church biak in hi 1st November, 2010 khan sak tan a ni a, 27th October, 2018-ah a hnuai lam chu inkhawm theihna tura siam a ni a, Hall atana ruahman hi kum 8 chhung inkhawmna atan hman a ni. Biak in chhung hi a dung ft 76, a vang ft 34 a ni a, mi 252 lenna tur thutthleng leh thingthitna siam a ni. A liang san lam hi ft 22 a ni. Biak in hnunglam leh veranda lam khi hmun rema zauhna chin a ni a, theih huna vertical extension tih theih turin foundation siam a ni bawk.
Sacred Heart Church, Tlangnuam, Block Veng hi June ni 4, 1994 khan Bialtu Puithiam Fr. S. Michaela'n biak in hawngin a
indantir a. Biak in hmun tur leisakin, biak in pawh Christ the King biak in hall 29.7.1992-a hnatlanga an thiah chak hlui
hmanga a sakpui a ni. Hemi tum hian hmeichhia 5 leh mipa 6 hnatlangin, chhangthawp cheng 10 man Kohhran sum sengin an ei nghe nghe a. Biak in sak nan Kohhran mite'n tha tam tak an seng a ni. Thinlung thianghlim kum a nih angin, biak in hming pawh hi Bialtu Puithiamin a thlan a ni nghe nghe a. Heng hun lai hian ringtu mipui hi in 25, mihring 115 anga chhinchhiah an ni a, Kohhran hruaitu hmasa berte chu heng mite hi an ni.
Leader - Mathew Kapkhuma
Asst. Leader - Peter Sangthuama
Secretary - Francis Vanlalvuana
Asst.Secretary - Joachim Zachungnunga
Treasurer - Teresa Lalbuki
Fin. Secretary - Nathanael F. Aizika
Senior Adviser Lucy Vanlalawmpuii leh Rosy Lalrinawmi te bakah Committee member 10 ruat an ni bawk. Hun a lo kal chho zel a, ringtu mipui pawh an lo pun chhoh ve zel takah chuan, Bialtu Puithiam Fr. K.M.Arulappan-a hmalakna leh mi thahnemngaite inpekna zarah 5.6.2005 khan biak in tihzauh a ni a. Kum 2009 March thlaah Kohhran Committee-in a din Building & Property Committee chuan Biak in thar sakna tur sum tuak hna a thawk tan ta a. July 2009 atang khan lehkha ip siamin Kohhran chhungkaw tinah thla tin Building Ip a sem/khawn tan a, hei hi kum 2023 kum tawp thlengin chhunzawm a ni. Hemi hnu
hi chuan Bank atanga biak in sakna tur Loan pek rulhna tur chhung tin thla tin biak in sakna (Loan rulhna) Budget Ip
hman a ni ta a. Biak in hlui chu kum 2018 October khan thiah a ni a, ni 27 zan atangin tuna biak in Hall-ah hian lawi luh a lo ni ta a ni.
Sacred Heart Church biak in lo than len chhohnaah hian mimal thahnemngai tam tak tanpuina an dawng a. Rev. Fr V.A. Paula'n a hmun zauhna tur a leisak a, sak tan nan cheng 5,00,000 a thawh a ni a, lungphum a phum bawk. Rev. Fr. Francis Veliyila'n cheng 40,00,000 a thawh bakah a sak hna a vilpui a. Parish Pastoral Council-in hun hmasa lam deuhva Rs 3,00,000-in a puih bakah, tun hnaiah cheng 15,00,000 laiin a pui leh bawk. Rev. Fr. Joseph Lalbiakthanga, Parish Priest-in kum 2021-a Parish a enkawl tirhte aṭangin, Pathian Ram thawhlâwm ip Parish Fund a chantîr nghâl a. Tin, February 2025- Loan rulh tûr an neih belh aṭangin Sunday Collection a chantir vek bawk. Hêng hi a vaiin cheng 3,62,491 + 2,39,201 = 6,01,692 a tling a ni.
Kum engemawzat biak in Hall-a an inkhawm hnuah leh Kohhran mipuite pawh kan lo pun chhoh ve zel takah chuan
January, 2024 khan Loan cheng 1,15,00,000 (60,00,000+50,00,000+5,00,000) lain an tan chho leh ta a. Pathian hruaina leh ringtu mipuite zarah tun dinhmun hi an lo thleng thei ta a ni.
